предалеку од Земјата, недоволно блиску до Небото

.
бевме никаде
а не` имам секаде
бевме секаде
а не` немам никаде
.
се испомешале никаде и секаде
а кое е кое и што е каде?
секој заминува од никаде
зошто тогаш ние не успеваме?
.
имавме сѐ
а во дланките ми остана ништо
имавме ништо
а сеуште ми се дланките полни со сѐ
.
се испомешале ништо и сѐ
и кое е кое, а што е колку?
секој заборава ништо
зошто ние не можеме?
.
бевме и секаде и никаде
ништо немавме и сѐ имавме
а сакавме само
во ние да го имаме нас
.
.